blog ni aki: September 2008

Thursday, September 25, 2008

Cooking ng Ina 01 : Peanut Butter Cookies

Naikwento ko sa inyo na ginawa kong sideline ang paggawa ng cupcakes. Ang saya! Sunod-sunod ang orders ko nun, may time pa nga na tatlo-tatlong malalaking orders ang natanggap ko ng isang weekend. Nakakaloka sa totoo lang. Kinailangan kong balansehin ang oras ko sa pamilya, trabaho at negosyo. Ilang gabi din akong nagpuyat. Sulit naman kase within a month, bawi agad ang puhunan ko.

Dream come true... pero too good to be true pala.

Sa kasagsagan ng aking cupcake career, nalaman kong bawal pala ang ginagawa ko. Bilang bahagi ng military, ipinagbabawal kaming magbenta ng produktong gawa sa sarili naming kusina. Iwas food poisoning daw. Meron ding pailan-ilan na lumalabag dito. Pwedeng pwede ko paring ituloy ang ligaya kaya lang ayokong mapahamak ang asawa ko. Pag nahuli eh bawas sweldo yun. Wag na uy, sayang din.

Goodbye na ako sa aking business. Wala namang nawala sa akin. Yun nga lang eh nakakaranas ako ng withdrawal syndrome ngayon. Hinahanap-hanap ko ang pagbabake at ang sarap ng pakiramdam tuwing nagugustuhan ang mga tao ang gawa ko.

So ayun ang storya sa likod ng pagdadagdag ko ng food blogs dito. Tutal mahilig rin lang naman ako magluto at magbake, I might as well share the love. Gusto kong maadik din kayo! *evil laugh*

Walang kahirap hirap to, pero guaranteed masarap kaya ito ang first recipe sa aking "cooking ng ina" series. Hindi ako masyadong mahilig sa peanut butter pero nagustuhan ko to. Enjoy!