IT'S A...

BOY! hahaha tama daw bang ipangalandakan sa mundo ang litrato ng TOOT ni baby?! hehehe.

yup, it's a boy, 100%. tila nga nagpapasikat si baby kanina eh, panay ang pwesto ng magandang anggulo para ipakita ang pagkalalaki niya. =)

ang bait bait ng ate na nagultrasound sa akin. isa siyang Pilipina na mommy ng isang baby na alaga ni mama. special treatment kami ni sassie kanina! Thank you Ate Marie!

kakainis lang si baby kanina. ayaw magpakita ng face. di tuloy kami nakakuha ng maayos na picture. pero wala un, ok lang basta alam kong healthyng healthy siya. ang likot likot nga daw sabi ni ate! :D

nako si daddy, siyempre pa, tuwang tuwa. may magmamana na daw ng kanyang mga games. :D

o Daddy, oras na para mag-isip tayo ng pangalan, at oras na para mag-shopping for baby stuff!!! yey!

Week 20

Stressful ang week na ito para sa akin. Tsk tsk. Kawawa naman ang anak ko...

Pero nagmana si baby kay daddy niya. Matapang. Tuloy parin ang paglikot niya sa loob ng sinapupunan ko, masiglang masigla. :D

Nakakakalahati na ako! Konting hintay nalang, makikilala na nating lahat ang baby ni mommy aki at daddy rey. Nalalakihan na ko sa tiyan ko, although madami paring nagsasabi na hindi pa daw malaki. Sabi ng mga amerikanang katrabaho ni mama, "you're so tiny", HUWAT? Tiny pa ba ako sa lagay na ito eh 10 lbs na ang ginain ko mula nung magbuntis ako?!! Di kaya sa boobs sila nakatingin kaya tiny tiny ang tingin nila? ehehe

Ano bang mga nararamdaman ko?

Nag-uumpisa ng sumakit ang likod ko. Pwedeng dahil to sa Scoliosis kong umaatake dahil lumalamig na ang simoy ng hangin dito. Pero mas malamang eh dahil ito sa lumalaki kong ngang tiyan. Biruin niyo, in 3 weeks, kasing laki na daw ng basketball ang tirahan ni baby?! ayus. Normal lang talagang mastrain ang likod ko kung ganon.

Napapalakas din ata ang pagkain ko lately. Patay tayo jan. Ang masama pa nito eh parang bumabalik ang fatigue. Kaya wag kayong magugulat kung sa susunod kong ipopost na litrato eh lumobo na ako ng todo. :D

Siyempre ang pinakamasayang part parin ng linggong ito ay yung patuloy na paggalaw ni baby. Habang tumatagal, mas lumalakas at dumadalas. Nakakatuwa one time nagbabysit kami ni mama sa bahay nila. Habang kinakantahan ko yung alaga niya ng "twinkle twinkle" (eto nga ba talaga title nun? o basta alam nyo na yun), aba naexcite itong si baby, galaw ng galaw! pag tumitigil ako ng kanta, tigil din siya sa pag galaw. ang saya, may favorite song na si baby! :D kakatuwa.

O siya, sa Thursday nalang uli. Babae kaya o lalake? hihi

Desiderata - Filipino Translation

Ang ganda ng translation na ito, from http://titorolly.blogspot.com/:

Mga Mithiin

Mahinahon mong tahakin ang kaingayan at mga agam-agam ng buhay, at pakatandaan ang kapayapaang mayroong taglay ang katahimikan. Hanggat maari ay makipagmabutihan sa lahat ng nilalang.

Turan mo ang iyong paniniwala ng buong kalinawan, katiwasayan at walang pag-iimbot; at makinig sa iba sapagkat kahit na ang isang hunghang at kulang sa aral, sila ma’y may kwentong may kwenta. Pakaiwasan ang mga hambog at mapupusok, sila’y panggulo lamang ng kaluluwa.

Huwag piliting ikumpara ang sarili sa iba sa dahilang ikaw ay maaaring maging mayabang o kaya nama’y mapuno ng kalungkutan; parati kang makakakita ng mga taong mas magaling o mas mababa sa iyo. Ikagalak mo ang iyong mga narating o nagawa katulad ng iyong pagkakilig tuwing ika’y may bagong hangarin. Panatiliin ang interes sa iyong napiling karera, kahit gaano ito kahamak; sa pagitan ng pabago-bagong panahon, ito’y mananatiling sa iyo.

Parating mag-ingat sa iyong mga gawain pagkat ang mundo’y punung-puno ng kadayaan. Ngunit huwag mong pabayaang bulagin ka nito; marami pa ring mga taong may mataas na pangarap at hitik ang kapaligiran ng kabayanihan. Mahalin mo ang iyong sarili. Huwag mong utuin ang sarili mong ika’y kaibig-ibig. Lalo namang huwag mong pagdudahan ang pagmamahal; sa harap ng tagtuyot at pagkukunwari, ang pagmamahal ay pabalik-balik tulad ng damo. Makinig sa mga nakakatanda habang isinusuko ang lahat ng bagay na mura.

Alagaan ang tibay ng dibdib ng sa gayo’y masalag ang lahat ng biglaang kamalasan. Ngunit huwag mong pakadibdibin ang kadiliman. Maraming pangamba ang isinilang sa pagod at kalungkutan. Maging maamo ka sa iyong sarili na dulot ng isang mabuting pagdidisiplina. Ikaw ay isang sanggol ng sansinukob, sampu ng kagubatan at mga bituin; ika’y may karapatang manirahan dito. At kahit ito ma’y maging malabo sa iyo, walang kaduda-dudang ang sansinukob ay dapat lang na mapasaiyo.

Kaya naman maniwala ka sa Diyos, ano man ang kanyang anyo sa iyo. At kahit ano pa man ang iyong pinaghirapan sa gitna ng kaguluhan ng buhay, panatilihin ang katiwasayan ng iyong kaluluwa. Sa lahat ng pagkukunwari, kahungkagan at nasirang pangarap, masarap pa ring mabuhay. Maging maligaya. Sikapin mong maging masaya.

I <3 POLYVORE

Siyempre madami ng may alam nito pero ngayon ko lang talaga siya nasubukan. Nakakaaddict. :D Sana may magic spell para pagkagawa mo ng isang set eh mapapasaiyo lahat ng napag mix and match mo :D saya siguro! http://www.polyvore.com

Somebody Please,

Pahingi ng gamot sa puso.

Para saan ba kamo?

Hindi sa pagdurugo, ako'y hindi broken hearted.

Ang kailangan ko ay pampatanggal ng poot.

* * *

Belly Picture - 19 weeks

Hmm what to say? I'm having a really bad day today but seeing that my belly has grown this big already makes me feel so much better.

My next checkup will be 10 days from now. I'm hoping I'd find out by then if I'm having a Rey Jr. or an Aki the II. =D

Life Inside

How exciting!

I just felt my baby move for the first time! =)

Tinatadyakan ako ng anak ko dahil di pa ko naglulunch hahaha. Sorry anak, kakain na ko ok? I love you!

Ngiting ngiti ako. Kinwento ko agad kay Rey at tuwang tuwa din siya. Ang sarap ng feeling. Mas feel ko na tuloy ngayon na nanay na talaga ako, and that I really really am carrying a life inside me.

Overdrive

Savoring independence.

Thank you Rey! Lahat ng ito ay dahil sa iyo.

Special thanks to:

Sassie Girly ~~ for taking me to driving class every day for a month!

Papa~~ for installing the audio system

Mama~~ for the encouragement

and Mr.Floyd ~~ for patiently teaching me how to become queen of the road.

Week 15-17

Malapit na kong mangalahati sa aking pagdadalang-tao.

Wala pa kong stretchmarks yahoo! Though feeling ko malapit na kong magkaroon. Sobrang swerte ko nalang kung di ako magkakaroon ever. =)

Iba na ang feeling pag hinahawakan ang puson ko. Compared to being all soft and jiggly before, ngayon talagang firm na at kahit nakahiga eh may nakaumbok na talaga. Yeyy! Ang saya kase pag tumitingin ako sa salamin eh hindi na ko mukhang napadami lang ng kain. Iba na yung pagkabilog ng tiyan ko.

Ang laki laki ng ilong ko ngayon hahaha. Para akong palaging may sipon. Parang dumadami din yata ang pimples ko... di ko alam kung dahil puyat lang ako o kung dala ba ito ng pagbubuntis... malamang combination of both.

Hindi na talaga ako sinisikmura, (thank you Lord!). Di din ako nakaranas ng sakit ng ulo for the past two weeks. Saya saya, wala akong weird na nararamdaman na pisikal lately! =) Although sa emosyonal eh, ibang usapan ito.

Siguro kung nandito si Rey eh walang problema. Umuwi ka na kase Rey. Di ko na kaya. Please? hehehe biru lang. Kayang kaya to, one month na nga siyang wala eh. =) 3 months nalang!