20 Minutes

Hindi ako makapaniwalang nakatakbo ako ng 20-minutes. Tuloy-tuloy, walang lakad. :) At hindi sa pagyayabang, sa loob ng 5 weeks na pagtakbo ko, first time kong isinama si Kenshin. Buong oras akong tumakbo na tulak-tulak si Kenshin sa stroller. :)

Ito na siguro ang pinakamalupit kong nagawa na physical activity. 8 years ago, nasubukan ang kakayahan ko sa pagtakbo. Out of 30, ako ang nataguriang "last man". Wala pa yatang 5 mins, naglakad na ko hanggang makarating ng finish line. Nakakahiya. Sabi ko sa sarili ko, hindi na mauulit pa ang ganoong failure. So here I am, training hard.

Sa takbo ko kanina, may isang bagay akong napatunayan:

Sa mga oras na parang hindi mo na kaya, na gusto mo nang sumuko, tumuloy ka lang. Magugulat ka nalang sa layo ng mararating mo.

Ang sarap ng pakiramdam. :)